Compostela cultura

Festa Arredema no Principal

Varios artistas

Varios artistas galegos danse cita nunha festa de apoio á Rede de Acción Socio-Cultural Arredemo, co fin de recadaren fondos para o novo proxecto de Arredemo, portal de información libre e independente ao servizo do tecido socio-cultural do país. Gozaremos da presenza de Quico Cadaval, Narf, Chévere, Clara Gayo, Pista Catro, Os da Ría, e Carlos Santiago.

O aloxamento de webs, a libre distribución de creacións artísticas e o desenvolvemento de proxectos sociais e culturais son algúns dos servizos que ofrece Arredemo ao tecido sociocultural galego. A Rede de Acción Socio-Cultural Arredemo presenta así públicamente o seu terceiro proxecto, despois de case catro anos de actividade, nos que se constituíu como unha referencia dentro dos movementos sociais e culturais galegos. A festa é o primeiro acto dunha campaña destinada a impulsar a creación do novo Portal de Comunicación, xa en fase de deseño e construción, e conta coa participación desinteresada dos artistas convidados.