Compostela cultura

Inicio | Mapa web | Contacto
Estás en: Axenda > Varios > I Encontros de Xogos de Rol e de...
Cartel Ludus Stellae

I Encontros de Xogos de Rol e de Estratexia Ludus Stellae

Asoaciación Cultural Casco Vello-Libredón

A Chocolataría acolle durante dous días os I Encontros de Xogos de Rol e de Estratexia 'Ludus Stellae'.

Organiza:
Asociación de Tempo Libre Casco Vello-Libredón

Patrocina:
Concellaría de Cultura
A Chocolataria

Colaboran:
A Gata Tola
Amarouk Estudio
Auryn
Edizer
Baxter Cómics
Komic
Zónulacatro

As xornadas inauguraranse o venres 13 ás 12:30 cunha conferencia e mesa redonda arredor do vencello entre o rol e a literatura e presentarase a exposición e audiovisuais que se poderán contemplar durante os dous días dos Ludus Stellae.

Os Ludus Stellae teñen tres eixos temáticos fundamentais coincidentes coas principais liñas de desenvolvemento dos xogos de rol e de estratexia: terror gótico-baseado nos relatos de H.P. Lovecraft e de mundo das tebras-, ciencia ficción-baseado en Star Wars ou Blade Runner- e medieval fantástico-coa obra de Tolkien como inspiración fundamental-.

Arredor destes eixos temáticos desenvolveranse as partidas de rol e de xogos de estratexia abertas ao público e tamén a sección especial de rol para nenos-que terá lugar o sábado pola mañá- e a sección de rol express, na que os visitantes d'A Chocolataría poderán inscribirse para xogar partidas breves e coñecer a dinámica deste tipo de xogos.

Dous días nos que se poderá xogar a ser un bandoleiro en 'Alatriste', un vampiro do século XV en 'Vampiro. A Mascarada' , un elfo do Bosque Negro en 'O Señor dos Aneis', un investigador privado en 'A chamada de Cthulhu' ou un cabaleiro Jedi da mítica saga de 'Star Wars'; sen esquecer os xogos de estratexia como 'Warhammer 40k' ou 'O Señor dos Aneis'.

Ligazóns relacionadas: Documentos relacionados:
O que vai vir
  • Visita aos balcóns de Compostela 07/09/2010

    Dentro do programa de actividades Vive o Verán, organízase unha visita guiada aos balcóns de Compostela, dende onde se poden admirar vistas da cidade dende o alto. Percorreranse a Casa do Concello, a Facultade de Historia e o Centro Sociocultural da Trisca. Partirase do Pazo de Raxoi, na Praza do Obradoiro.
  • Geocaching, iniciación á procura de tesouros 09/09/2010

    Como se sentirá un explorador no momento de facer un importante descubrimento? É o momento de experimentalo. O programa Vive o Verán ofrece unha divertida sesión de geocaching para nenos e nenas, unha maneira imaxinativa de xogar a agochar e atopar tesouros. A cita é no monte do Gozo e ten como punto de encontro a entrada principal do albergue.
  • Obras Públicas presenta 'Life is a paripé' 10/09/2010

    César Goldi, Iolanda Muiños e Mos son os tres intérpretes deste espectáculo dirixido por José Prieto no que se mesturan en proporcións similares música, teatro e 'cachondeo'.
  • Xogos populares na Alameda 12/09/2010

    Unha tarde de xogos para adultos, nenos e maiores na que gozaremos do feito de participar en actividades colectivas, coñecer a xente e aprender novas formas activas e saudábeis de divertírmonos todos. Haberá xogos de sempre no paseo central do parque da Alameda e ademais un Scalextric xigante para xente de diferentes idades e xeracións. Forma parte do programa Vive o Verán.
  • Haití, 9 meses despois 14/09/2010

    Nove meses despois do terremoto que devastou Haití o pasado 12 de xaneiro de 2010, Médicos Sin Fronteras expón o seu traballo no país caribeño neste tempo a través da proxección do documental Haití, 7 días de xaneiro e unha mesa de debate posterior.