Compostela cultura

II Certame de Monólogos Monolingües

Comisión de Normalización Lingüística da Facultade de C.C. Económicas e Empresariais

O certame "Move o bico, vennos con contos" reúne, nesta segunda edición, sete novos talentos que, cunha duración de entre 5 e 15 minutos teñen que abordar, de xeito humorístico e con todas as habelencias da comunicación oral, a situación sociolingüística do galego e dos seus falantes.

Organiza: Comisión de Normalización Lingüística da Facultade de C.C. Económicas e Empresariais
Conduce: Carlos Blanco
Actuacións: Leo Fernández Campos, sete participantes con candanseu monólogo.

Organizado pola Comisión de Normalización LIngüística da Facultade de Ciencias Económicas e Empresariais, o II Certame de Monólogos Monolingües, pretende mover á reflexión sobre a situación e a problemática da lingua galega e dos seus falantes, tanto na vida universitaria como fóra dela, mediante as súas historias. O concurso é asemade unha actividade lúdica e dinamizadora, que busca a sensibilización cara á nosa lingua.

Do mantemento do espectáculo encargarase nesta edición o actor e contacontos Carlos Blanco. Ademais Leo Fernández Campos, que na pasada edición se fixera co segundo premio (e coa devoción do público), ofrecerá un happening lingüístico.

O concurso está dotado con tres premios, consistentes en 200, 150 e 100 € en metálico e mais en tres vales de 200, 150 e 100 € respectivamente para a adquisición de libros a través de Biblos-Clube de Lectores, que colabora coa súa organización.

Ligazóns relacionadas:

• Siete personas participarán en el concurso de monólogos