Compostela cultura

What's up? abre o 'En pé de pedra 2006'

Sala NASA, Teatro Galán

O alemán Dominik Borucki e a colombiana Claudia Cardona abren con este seu espectáculo a XI edición do festival de danza na rúa organizado polas salas Nasa e Galán. Esta peza é un xogo: co desexo de que o mundo funcionase segundo as imaxes que temos sobre el, queda case só a posibilidade do desengano. Iso non é nada novo e tampouco é problemático: serve para xogar co mundo imaxinario.

What’s Up? Duración: 30'
Dirección, concepto e vestiario: Dominik Borucki
Cocreación: Claudia Cardona
Coreografía e interpretación: Dominik Borucki, Claudia Cardona
Colaboración artística: Carma Vidal
Música: Shelley Hirsch, Dominik Borucki, Alistar Colling
Coprodución: CAPa (Centro de Artes Performativos do Algarve)
Espazo de creación: La Teatrería, L'Artesà, CAPa

Sentía como morreu o meu amor. O meu amor, deus, o meu amor. Todo o que cría estaba perdido. Non o quería. Parecía que debía morrer eu mesmo. Pero o que morreu por suposto non era eu nin o meu amor. O meu amor quedou. O que morreu era a imaxe do meu amor, a imaxe que creaba para asegurarme del.

O alemán Dominik Borucki é bailarín, director e profesor de danza. Ensina e traballa en Europa, os EUA e América do Sur. Recentemente colaborou coa Compagnia Buffo (Osnabrück/Alemaña), Brigitta Ernst (Berlín), Paulo Henrique (Lisboa, Expo 98), David Zambrano (Nova York), Cia. Lapsus (Barcelona) e dirixiu ¿Qué tal estás? -we don´t have video yet- (Las Palmas), un dúo con Natalia Medina. Agora baila os seus solos I Am My Own Television e La vecina (interior). Ultimamente impartiu clases en Movement Research (Nova York), Danzarte (Las Palmas), bewegungs-art-freiburg, La Caldera (Barcelona), CEM (Lisboa), Estudio 3 (Madrid), Moving Art (Colonia), Tanzfabrik (Berlín), Tanzhaus NRW (Dusseldorf), na Facultade de Artes en Altea e en centros de danza de Colombia, México e Venezuela.

A bailarina colombiana Claudia Cardona chagou á danza mediante a ximnasia olímpica. Estudou música en Medellín e en Viena. Bailou co Ballet Folclórico de Antioquía dirixido por Albeiro Roldán, coa compañía Danza Concierto de Peter Palacio (Medellín) actuou en España, Polonia e Costa Rica, participou en producións das compañías Stratego Danza e Danza universitaria de la UCR en San José en Costa Rica e no proxecto Der Weg Zwischen en Viena. Traballou con Dora Arias, coa Cía. Murrapo Danza, e coas compañías Tragant Danza e Nats Nens en Barcelona. Outorgáronlle o Premio Lladró como mellor intérprete do festival Dansa Valencia 2002 bailando a peza What's Up?

Ligazóns relacionadas:

• En Pé de Pedra saca a la calle la danza contemporánea
• Compostela, en pé de pedra
• Veintiséis actuaciones y siete estrenos en el festival En Pé de Pedra