Últimos días para visitar a exposición antolóxica do pintor galego Antón Mouzo
(16/02/2009) O Auditorio de Galicia acolle unha mostra antolóxica dedicada ao artista galego Antón Mouzo. Do pintor de Vimianzo pódense contemplar as obras dos últimos vinte anos, dende os oitenta até as súas últimas creacións. A mostra ficará aberta ao público dende o 18 de febreiro até o 31 de maio.
A partir do mes de febreiro de 2009, o Auditorio de Galicia acolle nas súas salas a exposición retrospectiva de Antón Mouzo (Vimianzo, 1957 - A Coruña, 2007). A mostra presentará un percorrido polas obras realizadas dende principios dos anos oitenta ata as súas derradeiras producións.
O traballo de Antón Mouzo desenvólvese en diferentes liñas simultáneas nas que un dos temas principias é a representación da Natureza por medio de metáforas mediante as que o artista conforma o seu universo particular. As obras presentan constantes referencias ao seu entorno -Vimianzo- que o autor utiliza para construír un discurso sobre si propio.
De formación autodidacta e un gran coñecedor da historia da arte, a súa obra reflicte unha fonda influencia da arte galega, dende o románico aos renovadores, sen esquecer outras formulacións internacionais como Hockney ou Bacon, aos que admiraba. Sorpréndenos cunha obra na que se detecta o espírito dun creador inquedo que explora continuamente e que se expresa por medio de diferentes poéticas, como o pop, o neoexpresionismo, a figuración, a abstracción ou a fotografía, sen esquecer tampouco o uso das novas tecnoloxías.
Unha amalgama de estilos e xéneros pictóricos
Dentro da súa produción, achégase a diferentes estilos pictóricos que van dende o pop ao neoexpresionismo, acadando unha linguaxe na que mestura abstracción e figuración. As pezas caracterízanse polo seu carácter experimental e a complexidade na súa elaboración, o que derivou na obtención de diferentes resultados na expresión plástica.
Aínda que se centrou principalmente na pintura, traballou en diferentes medios que comprenden dende a ilustración ata a videoinstalación. Algunhas das súas series de pinturas tiveron un papel protagonista no filme Fisterra, dirixido polo cineasta Xavier Villaverde no ano 1998.
A comisaria da mostra, María Pose, en estreita colaboración coa familia e os amigos que se involucraron de xeito determinante no impulso deste proxecto, reuniu para esta exposición obras inéditas provenientes, na súa maior parte, dos arquivos do artista e dos fondos do seu estudio
O traballo de Antón Mouzo desenvólvese en diferentes liñas simultáneas nas que un dos temas principias é a representación da Natureza por medio de metáforas mediante as que o artista conforma o seu universo particular. As obras presentan constantes referencias ao seu entorno -Vimianzo- que o autor utiliza para construír un discurso sobre si propio.
De formación autodidacta e un gran coñecedor da historia da arte, a súa obra reflicte unha fonda influencia da arte galega, dende o románico aos renovadores, sen esquecer outras formulacións internacionais como Hockney ou Bacon, aos que admiraba. Sorpréndenos cunha obra na que se detecta o espírito dun creador inquedo que explora continuamente e que se expresa por medio de diferentes poéticas, como o pop, o neoexpresionismo, a figuración, a abstracción ou a fotografía, sen esquecer tampouco o uso das novas tecnoloxías.
Unha amalgama de estilos e xéneros pictóricos
Dentro da súa produción, achégase a diferentes estilos pictóricos que van dende o pop ao neoexpresionismo, acadando unha linguaxe na que mestura abstracción e figuración. As pezas caracterízanse polo seu carácter experimental e a complexidade na súa elaboración, o que derivou na obtención de diferentes resultados na expresión plástica.
Aínda que se centrou principalmente na pintura, traballou en diferentes medios que comprenden dende a ilustración ata a videoinstalación. Algunhas das súas series de pinturas tiveron un papel protagonista no filme Fisterra, dirixido polo cineasta Xavier Villaverde no ano 1998.
A comisaria da mostra, María Pose, en estreita colaboración coa familia e os amigos que se involucraron de xeito determinante no impulso deste proxecto, reuniu para esta exposición obras inéditas provenientes, na súa maior parte, dos arquivos do artista e dos fondos do seu estudio
- (25/06/2010) Retrospectiva de Manuel Outumuro no Auditorio de Galicia
- (16/06/2010) "Entre a razón e a pel", de Nuria Ruibal, na Zona "C"
- (05/07/2010) Imaxes polares na Alameda
- (12/03/2010) Trinta anos de escultura de María Xosé Díaz
Antón Mouzo (antoloxía)
Lugar e horario
- Auditorio de Galicia. Do 18 de febreiro ao 31 de maio. Aberto todos os días de 10:00 a 14:00 e de 16:00 a 20:00 horas, agás os días de concerto que pecha ás 19:00 horas. Entrada de balde.
- © Concellaría de Cultura. Concello de Santiago de Compostela, 2008
- Enviar
- Imprimir