Compostela cultura

Último día para visitar 'Masidiana', no CSC do Castiñeiriño

Carlos Maside

Hoxe é o último día que permanece aberta no CSC do Castiñeiriño a exposición 'Masidiana', unha mostra dedicada á figura e á obra do gran pintor compostelán Carlos Maside.

Nacido en Pontecesures Maside realiza a súa primeira exposición persoal en Compostela, en 1930. Posteriormente efectúaas en Vigo e outras cidades de Galiza. A Guerra Civil foi unha época dura para o pintor, vinculado a grupos republicanos. Concluída a contenda, reside en Compostela, onde ficará até a súa morte, rodeado de mozos intelectuais, sobre os que exerce un evidente maxisterio.

Maside foi un gran pintor, tecnicamente moi dotado. É, tamén, un gran debuxante, e excelente gravador de diversas técnicas, porque, en definitiva, ningunha forma de expresión artística, mesmo a caricatura e o chiste con pé, lle foi allea.