Compostela cultura

Inicio | Mapa web | Contacto
Estás en: Axenda > Música > Ordo prophetarum
Catedral de Santiago de Compostela, fachada do Obradoiro

Ordo prophetarum

Actus

O drama litúrxico medieval correrá a cargo da Asociación para a Promoción da Música Actus. Existen teorías, coma a do profesor Serafín Moralejo, que relaciona as representacións do programa iconográfico do Pórtico da Gloria coa representación en pedra do Ordo Prophetarumun, un drama litúrxico do século XII.

Esta obra dramatiza unha homilía atribuída a Santo Agostiño, na que convoca os profetas para que dean testemuño da divindade de Cristo e censuren así a incredulidade do pobo xudeu. A peza sitúase no contexto do teatro medieval, onde desempeña un papel relevante o xénero do drama litúrxico asociado a ciclos de Pascua e Nadal.

A representación parte dunha versión do Ordo Prophetarum datada no século XIII e conservada en San Marcial de Limoges. O drama enriquécese con pezas como a cantiga 422 de Afonso X o Sabio ou a égloga IV de Virxilio. A dirección corre a cargo de Francisco Luengo, responsable da reconstrución dos instrumentos do Pórtico da Gloria.

Na dirección de voces estará Miro Moreira, mentres que o elenco se completará con 12 músicos especializados en tocar os instrumentos plasmados no Pórtico da Gloria, e 16 cantantes.

Esta iniciativa conta co apoio da Sociedade de Xestión do Proxecto Xacobeo, dependente da Consellería de Innovación, e do Concello de Santiago. Ambas as dúas administracións entenden que esta representación ofrece, desde o punto de vista turístico e cultural, unha oferta adecuada para atraer a visitantes que desexen pasar a fin de ano na capital de Galicia.

A actividade tamén complementa os actos para a celebración do 25 aniversario da declaración de Santiago de Compostela como Patrimonio da Humanidade.

Ligazóns relacionadas:
O que vai vir
  • Hirundo Moris en Espazos Sonoros 03/09/2010

    A cantante e arpista Arianna Savall presenta 'Peiwoh, Cantos do Norte e do Sur', unha viaxe musical a través da xeografía e do tempo, inspirada nunha lenda taoísta que narra o nacemento da arpa.
  • Marky Ramone 03/09/2010

    Marky Ramone estará na sala Capitol coa súa última banda The Blitzkrieg. O baterista dos Ramones, nacido Marc Bell (Brooklyn, NY, 1956), pasa por Santiago co seu set de 32 cancións da mítica banda de punk neoiorquina.
  • Arcade Fire+Echo & The Bunnymen+The Temper Trap+Cornelius 05/09/2010
    MTV Galicia
    O gran macroconcerto do verán chega cun cartel que capitanean os canadianos Arcade Fire xunto cos de Liverpool Echo & The Bunnymen...
  • Banda Municipal de Música na rúa 09/09/2010

    A Banda Municipal de Música da cidade volve ás ruas en setembro recuperando vellas pezas e introducindo novas melodías.
  • Mercedes Peón actúa no Congreso IBBY 09/09/2010

    Unha das voces de maior importancia da música galega contemporánea pon o peche da segunda xornada do Congreso IBBY, que este ano se celebra en Santiago de Compostela, coas minorías como tema central.