Compostela cultura

IV Concerto pola Lingua do Foro da Mocidade

Foro da Mocidade

O Foro da Mocidade organiza de novo o seu tradicional concerto pola Lingua. A Alameda vaise encher de graffiteiros, mostra e venda de camisolas e outros produtos, e non tardarán en subir ao escenario Noise Project, Brazukas, o Leo i Arremecághona!!!, Redullos, The Homens e Loretta Martin. Ademais, haberá comida e bebida a prezos populares.

O Foro da Mocidade (A.X. Itaca, Galiza Nova, Asociación Parrulos, Espazo Aberto Galiza e Casa Encantada) presenta por cuarto ano o seu concerto pola lingua. Nas anteriores edicións déronse a coñecer grupos coma Presencia Zero, Fai Tun Flai, Zumbido, ou os incondicionais Loretta Martin, que pechan tamén o cartel deste ano. A condición é que as letras sexan en galego. Polo demais, todos os estilos son válidos, como demostra o cartel deste ano, que vai dende o rock de Noise Project á música tradicional brasileira de Brazukas. Tamén estarán os Redullos, un dos grupos punk con máis sona da cidade, que levan doce anos en activo, unha das revelacións do ano, o trío compostelán de Power Pop The Homens, os xa citados Loretta Martin, e o cantautor punk O Leo i Arremecághona!!!.

Tamén haberá empanada, cerveza, viño e licor café a prezos populares, graffiti e mostra e venda de produtos de comercio xusto, coma Panxea, ou camisolas.