Compostela cultura

Inicio | Mapa web | Contacto
Estás en: Axenda > Cinema > Gala Premio Cineuropa: Mabel Rivera
Lousa courel+
Horario:

16 de novembro de 2009
21:00

Lugar:

Teatro Principal
Rúa Nova, 21. 15701, Santiago de Compostela
Teléfono: 981 542 347 (oficinas) 981 542 349 (despacho de billetes)

Prezo:

Entrada gratuíta previa recollida da localidade na billeteira.

Gala Premio Cineuropa: Mabel Rivera

Henrique Banet López de Rego e Mabel Rivera Torres

Chega a gala de entrega do primeiro dos Premios Cineuropa deste ano: o acto en homenaxe a Mabel Rivera, que presentará o actor Tamar Novas, contará cunha actuación musical e a proxección dos filmes Unha lousa sobre o Courel e O salario do silencio, con dirección e produción de Henrique Banet e Mabel Rivera.

Unha lousa sobre o Courel
Un dos espazos naturais con maior biodiversidade de Galiza e da Península Ibérica está a piques de ser convertido nunha zona mineira. A táctica para conseguilo baseouse en desinformar a poboación para dividila entre os que defenden a canteira e os que apostan por un desenvolvemento
sustentable e queren un parque natural. Unha lousa sobre o Courel pretende romper o muro de desinformación «interesada» que se foi tecendo arredor da canteira da Campa.

Este é o segundo traballo dunha serie iniciada con O Salario do Silencio. Producido tamén de maneira independente, sen ningún tipo de subvención, está orientado ao mercado do DVD. Ofrécese en dobre versión (galego e español), e os beneficios da súa venda irán destinados a axudar a Asociación Ecolóxico-Cultural SOS-Courel na súa loita pola conservación dun patrimonio único e irrepetible do que nos sentimos partícipes tódol@s galeg@s.

Ficha técnica:

  • Director/a: Henrique Banet López de Rego
  • Produtora: Mabel Rivera Torres
  • Director de fotografía: Henrique Banet López de Rego
  • Montaxe: Henrique Banet López de Rego
  • Produtora: Namche Films

Datos técnicos:
  • Xénero: Natureza e Medio Natural.
  • Modalidade: Documental.
  • Formato: curtametraxe.
  • Idioma gravación: rodaxe en galego.
  • Ano de produción: 2007.
  • Data da estrea: 08/02/2008.


O salario do silencio
Produción documental de corte militante que nos sitúa en antecedentes sobre o conflito da planta gasificadora de Reganosa, situada en Mugardos, na ría de Ferrol. Testemuñas de todo o espectro político, expertos, técnicos e afectados axudan a construír un relato valente a modo de informe directo dunha situación presente sen resolver.

Ficha técnica:
  • Director/a: Henrique Banet López de Rego e Mabel Rivera Torres
  • Produtora: Mabel Rivera Torres
  • Produtora: Namche Films

Datos técnicos:
  • Xénero: Sociedade.
  • Modalidade: Documental.
  • Formato: Longametraxe.
  • Duracion: 47 minutos.
  • Idioma gravación: Galego.
  • Ano de produción: 2007.
  • Data da estrea: 08/02/2008.

No cinema
O que vai vir
  • Lope 03/09/2010
    Andrucha Waddington
    Biopic do poeta e dramaturgo Lope de Veiga (1562-1635), un dos máis importantes e prolíficos autores do Século de Ouro da literatura española. Está ambientada no ano 1588, cando Lope se ve obrigado a elixir entre unha relación cunha muller que lle pode axudar a dar un paso adiante na súa carreira e outra que representa o amor verdadeiro.
  • O aprendiz de bruxo 03/09/2010
    Jon Turteltaub
    Remake libre da curtametraxe homónima incluído no clásico de Disney Fantasía, no cal Mickey non facía caso das ordes do seu mestre de maxia e daba vida a unhas escobas para que fixesen o traballo por el.
  • Un pequeno cambio 03/09/2010
    Josh Gordon, Will Speck
    Kassie acaba de cumprir os 40 e segue sen atopar ao seu príncipe azul, así que decide recorrer á inseminación artificial para ter un bebé. Sete anos máis tarde volve a Nova York e reencóntrase co seu neurótico e inseguro mellor amigo, Wally, quen comezará a sentir unha inexplicable conexión co fillo de Kassie, o pequeno Sebastián, un neno co que comparte algo máis que as súas múltiples teimas e excentricidades.
  • Campanilla e o gran rescate 03/09/2010
    Bradley Raymond
    Campanilla deberá unirse a unha fada rival para que os humanos non descubran a existencia da súa raza. Terceira de catro películas que realizará DisneyToon Studios baseadas no personaxe de Campanilla, procedente da película Peter Pan.
  • Sunshine cleaning 03/09/2010
    Christine Jeffs
    Rose e Norah Lorkowski son dúas irmás en paro que atopan unha particular forma de gañarse a vida: limpar as escenas de crime despois de que a policía fixese o seu traballo.